Jump to page content Skip to navigation
Illustration: Marylène Schenck Illustration: Marylène Schenck
 

Sang mat! Chëschtdag

Sange verbënnt, Sange mécht Spaass, Sange mécht aus all Fest eng grouss Freed! Fir d’Adventszäit sinn 300 Schülerinnen a Schüler aus dem ganze Land invitéiert d’Philharmonie un d’Kléngen ze bréngen! All Klass prouwt vum November un eng Auswiel vun Adventslidder aus verschiddenen Traditiounen a Länner a kritt zwee Workshoppen, déi vun der Gesangspädagogin Milena Hiessl ofgehale ginn (Terminer no Ofsprooch). De 5. Dezember kommen all d’Kanner zesumme fir dës feierlech Lidder ze sange, begleet vun engem professionelle Blechblosquinett. D’Lidder gi mat enger Spannender Geeschtergeschicht verbonnen! Ee wonnerbart «Sang mat!» – Erliefnis. Fir interesséiert Léierpersonal an Educateure gëtt et eng Weiderbildung an didakteschen a methodesche Méiglechkeeten a kandgerechter Museksvermëttlung an am kreativen, kandgerechten a prakteschen Ëmgang mat der Kannerstëmm, bei där ënnert anerem dës Adventslidder virgestallt ginn. De Concert ass op Lëtzebuergesch an de Gesangsworkshop op Däitsch.

Aschreiwung fir de Projet bis de 06.10.2017